پښتون

جګړه دسر په بدل وګټي سیاست وبایئلي

پښتون په نوم دپښتانه ځان سلامت وبایئلي


دغلامۍ زنځیر په غاړه ځان آزاد بولي

دخپل منځي جګړو په پایله کی قومیت وبایئلي


پښتون پنځه ځای ویشل شوئ په ځان نه دئ خبر

بی واکه ژوندکړي په خپل کورخپل موجودیت وبایئلي


پښتون فقط دې ته خوشال دئ چی پښتون یادیږي

پښتون دقوم په حیث دلوی پښتون حیثیت وبایئلي


پښتون دپلار نیکه په زوړ تاریخ ډیر ویاړ کوي

په خپله ناست لاس په دوعا وي متانت وبایئلي


پښتون دبل په لمسه خپل کور ورانولای هم شي

پښتون جنت ته وي نیت کړئ خو جنت وبایئلي


پښتون کاکا او دکاکا ځوي ته تر بور وايي

ورور دغلیم په سترګوویني خپل قوت وبایئلي


تر څو چی سر ځانله پیدا نه کړي بی سره پښتون

دخدمتګار غیرتي قوم به ننګ غیرت وبایئلي

لندی

جانان زمازه دجانان یم
که به بازارمی خرچوی ورسره زمه

دطبیعت لیدنه

دطبیعت لیدنه دانسانانوذهنی خواره زیاتوی
کله چی یوشخص زیات مصروفیت ولری باید کله ناکله دطبیعت څخه لیدنه وکړی
نو بیابه هیڅ وخت به دپریشانی احساس ونکړی

مننه بسم الله معروفی هلمند

شعر

په ګوانتانامو کی د یوه بندي شعر

دسرپوړنی لیری نکړی دکابل خورکی
دکافران چی دی ونه وینی اوربل خورکی
ته داصیلوپرګنو دپت عزت سمبول یی
پام کړه احتیاط کړه چی غلط وانخلی پل خورکی
نن دملالی میوندی بیرغ به ته جګوی
چی دآیوب لښکردر واوړی پرزابل خورکی
آه دلیلی دښتی سلګی اودصلیب ظلمونه
هم دی هیرنشی مسافر وهلی جل خورکی
ګوره چی لاره دناحید به دی ورستی وسله وی
خوځان به ساتی دبدمستوله یرغل خورکی
زه ددوښمن په آثارت کی لاپګړی تړمه
ته می هم خورېی چی خپل دودنکړی بدل خورکی
هغه قرآن چی می در زده کړو خوری کلک ېې ساته
دایهودان ېی بدل نکړی په بایبل خورکی
حق دی هغه دی چی الله اوپیغمبردرکړی
امریکایان دی خطانکړی په چل ول خورکی
دآذان هسک مینار راړنګ کړو دکافرزامنو
دتکبیرچغی به اوس بیا وی له مورچل خورکی
زماپه پښوکی هتکړی دی درنه لیری یمه
له ګوانتانامو درلیږم دا یو غزل خور کی
داکافران چی دی ونه وینی اوربل خورکی
دسرپوړنی لری نکړی دکابل خورکی